ኣዲስ ኣበባ፣ 19 ሕዳር፣ 2016 (ኤፍ ቢ ሲ)ሃገራዊት ጋንታ ኢትዮጵያ ብምኽንያት ዝነበራ ዓለም ለኸ ፀወታታት ተቋሪፁ ዝፀንሐ ፕሪሚየር ሊግ ኢትዮጵያ ፅባሕ ከምዝጅመር ተገሊፁ።
እቲ ፕሪሚየር ሊጉ ካብ 6ይ ሰሙን ጀሚሩ ኣብ ዩኒቨርሲቲ ሳይንስን ቴክኖሎጂን ኣዳማ ምክያድ እንትቕፅል÷ ቀጥታ ፈነወ ሱፐር ስፖርት ከምዝረክብ ተሓቢሩ።
ኣብ ቀፃሊ ዝግበሩ 172 ፀወታታት ቀጥታ ሽፋን ንመሃብ ስምምዕነት ከምዝተበፅሐ ዝገለፀ ማሕበር ኣክሲዮን እቲ ሊግ÷ ካብ ስምምዕነት ወፃእ ዝግበሩ ፀወታታት ብሰብ ስራሕ ምስትውዓል ሽፋን ንመሃብ ዘኽእል ስምምዕነት ንምግባር እናተዘራረበ ከምዝኾነ ኣፍሊጡ፡፡
ፅባሕ ኣብ ዝግበር ፀወታ ሰዓት 9 ጋንታታት ድሬዳዋ ከተማ ምስ ወላይታ ድቻ ከምኡ እውን ሃምበሪቾ ዱራሜ ምስ ፋሲል ከነማ ክራኸባ ኢየን፡፡
እቲ ሊግ ጋንታ ቅዱስ ጊዮርጊስ ብ13 ነጥቢ እንትትትመርሖ÷ ኢትዮጵያ ንግድ ባንክ ብ11 መቻል ድማ ብ10 ነጥቢ ካልኣይን ሳልሳይን ደረጃ ሒዘን ይርከባ፡፡
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com