Masrih Katuk Tekke Sayber Maysattaka Baxqisaan Duudenim Yiysixxigen
Addis Ababa, Waysu 16, 2012 ILL (FBC) Informashin Rettah Amaanah Ejensi Waysuk 10, 12 1 Kee 14 Sanat 2012 ILL Daffeyna Masril Haysitteh Tan Sayber Baatileynit Itiyoppiyak Maddur Kee Siyaasa Taqabi Akah Boodannah Sayber Masattakay Abeeni Sugeenih Iyya Keenik Baxqissam Duddem Qaddosse.
Tama Sayber Maysattakah Gibbatu Abtem, Sayber Hors Gurup, Anubis Dot Haker Kee Sekuriti Bay Paas Xiqsitta Sayber Maysattaka Abtah Tan Dagortih Katuk Tekkem Tama Ejensi Tiysixxige.
Ta Baatileynit Xer Waktih Edde Bicak Sugeenim Kee Ejensi Kaaduk Kattat Keenik Abak Sugtem Warsen.
Baxsa Luk Jumqatti Ayro Waysuk 12 Sanat 2012 ILL Kee Sabti Ayri Waysuk 13 Sanat 2012 ILL Fyaya Le Caddol Sayber Maysattakah Gibbatu Abeenim Qaddoosen.
Ta Udduurih Addat 13 Takke Doolat Fanteenit, 4 Takke Doolat Akke Sinni Eglaalik Retta Guubut Gibbatu Abeenim Warsen.
Maysattaka Abak Sugte Eglaali Kaaduk Tama Maysattaka Abeenim Isinnih Sumaaqitak Masuliyyat Akak Beyen.
Ahak Sabab Kaaduk Tama Eglaali Nabah Yan Asqassaabe Karawwadak Lee Kibnet Arawah Anuk Itiyoppiyat Maddur Kee Kalah Tan Taqabih Addat Akah Cultannah Edde Ascabuk Ikraarot Abeenih Yaniinim Warsen.
Itiyoppiyak Oyti Amaanah Ejensi Faxxiimah Yan Kattat Kee Bica Abteh Suge Waytaamal Tama Maysattaka Baaxo Caddol Maddur, Siyaasa Kee Misinkica Taqabik Mango Qawwalayla Kataasak Tenem Yiysixxigen.
Takkay Ikkah Boode Raddeh Tan Qawwalayla Naharal Akah Kalalitaanam Duudeenim Qaddowte.
Fooca Fanah Tannah Tan Maysattakooki Takkem Bictaamih Taagah Eglaali Takku Canka Maritte .et domain Yantiffiqimeenik Dumal Isinni Rettah Guubuk Amaana Meqennah Dacrisaanam Kee Amaana Dacayri Leh Yaniimih Asmat Akak Haysitak Edde Yantiffiqimeenim Faxximtam Yiysixxigen.
Ossetinah Tannah Tan Maysattakookih Dereemu Yelleenik Ta Eglah Yaysixxigeenim Kee Faxxiima Qokol Kee Kalah vTan Fayu Wagittaamal Ta Egla Mabbolosaanam Duudaanam Kassiisen.