ኣዲስ ኣበባ፣ 18 ሚያዝያ፣ 2015 (ኤፍ ቢ ሲ)ተናሓናሕቲ ፅዋዕ ፕሪሚየር ሊግ እንግሊዝ ጋንታታት ማንቼስተር ሲቲን ኣርሰናልን ሎሚ ምሸት ኣብ ስታዲየም ኢትሃድ ክራኸባ ኢየን።
ኣብቲ ፀወታ ጋንታ ኣርሴናል ካብ ተኸታሊታ ማንቼስተር ሲቲ ዘለዋ ኣፈላላይ ነጥቢ ንምስፋሕን ድሕሪ 19 ዓመት ፅዋዕ እቲ ሊግ ንምዕታርን ፀወታኣ ክተካይድ ኢያ፡፡
ንሰለስተ ፅዋዕ እናተነሓነሐት ትርከብ ጋንታ ማንቸስተር ሲቲ ትኹረታ ፅዋዕ ቻምፒዮንስ ሊግ ይኹን እምበር ምስ ኣርሰናል ዘለዋ ኣፈላላይ ነጥቢ ብምምፅባብ ፅዋዕ ፕሪሜር ሊግ እንግሊዝ ብተኸታታሊ ዓመት ንምልዓል ክትፃወት ኢያ፡፡
ኣሰልጣኒ ጋንታ ኣርሰናል ሚኬል ኣርቴታ ቅድሚ ፀወታ ኣብ ዝሃቦ ርኢቶ÷ ‘‘ናይ ሎሚ ፀወታ ተዓዋቲት እቲ ፅዋዕ ኣይውስንን፤ ይኹን እምበር ኣብቲ ሊግ መሪሕ ኮይንና ንምፅናሕ ይሕግዘና ኢዩ” ኢሉ፡፡
“ተፃወትተይ ኣብ ፅቡቕ ስነ-ኣእምሮ ይርከቡ” ዝበለ ኣርቴታ፥ ጥንንካረ ጋንተኡ ሎሚ ምሸት ከምዘርኢ ተዛሪቡ፡፡
ምሸት ሰዓት 4 ኣብ ዝካየድ ፀወታ ብወገን ኣርሰናል ተኻላኻላይ ዊሊያም ሳሊባ ብምኽንያት ጉድኣት ካብ ፀወታ ወጻእ እንትኸውን፥ ኣከፋፋሊ እታ ጋንታ ግራኒት ዣካ ናይ ምስላፍ ዕድሉ ኣጠራጣሪ ኢዩ፡፡
ልዑል መቑፀሪ ሸቶ እቲ ሊግ ብዝኾነ ኤርሊንግ ሃላንድ ትምራሕ ጋንታ ማንቸስተር ሲቱ ድማ ኣገልግሎት ናታን አኬን ከምዘይትረክብን ማኑኤል ኣካንጂ ንዕኡ ተኪኡ ናብ ሜዳ ክኣቱ ኢዩ ዝብል ትፅቢት ኣሎ፡፡
እዋናዊ ሓበሬታ ንምርካብ፦
ቴሌግራም ገፅና https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube