190 Yakke Mari Koroonah Vayresit Abbixsimuk, 5 Numih Qawwaddi Edde Yewqe
Addis Ababa, Waysu 02, 2012 ILL (FBC) Taturteh Tan 24 Saaqatih Addat 4 Alfi 599 Takke Laboratoori Fokkaaqok 190 Numul Koroonah Vayre Geytimeh Yan Qaafiyat Malak Qaddoose.
Amolladih Itiyoppiyah Caddol Koroonah Vayresit Yibbixsime Marih Qadad 2 Alfi 336 Gufeh Yanim Qaafiyat Malaakah Tan Dr. Liya Taddese Tiysixxige.
Koroonah Vayresit Yibbbixsimeh Suge Marih Fanak Taturte 24 Saaqatih Addat 5 Numih Qawwaddi Edde Yewqem Qaddosse.
Amolladih Itiyoppiyah Caddol Koroonah Vayresit Rabeh Yan Marih Qadad 32 Gufeh Yanim Tiysixxige.
Gexsi Kabuk Kimaalih Ayro 18 Num Qaffooteh Yanim Kassiisaak (11 Addis Ababak, 5 Amaar Rakaakayak, Tonnah 2 Somalih Rakaakayak) Qaffooteh Yan Mara Kinnim Qaddowte.
Ahak Ugut Abak Itiyoppiyah Caddol Koroonah Vayresik Qaffooteh Yan Marih Qadad 379 Gufeh Geytima.
Kimaalih Ayro Gabbaaqul Warseenih Yanin Fokkaqol Koroonah Vayres Edde Geytimeh Yan Marih Fanat 10 Ykke Marih Qadad Akah Afal Dayla Keenih Abak Sugenih Deeliyyi Fanteenah Addat Suge Mara Kinnim Kassiisaak Yekkeh Yan Galtih Qaffoota Esseren.
Tah Kinnuuk, Kimaalih Ayro Fokkaqol Koroonah Vayres Edde Geytime Marih Qadad 126 Kinnim Abeenih Yanin Missoosul Yiysixxigen.