A Sanatih Addat Boolul 6 Gabah Maddur Dadal Ankuttubele – Naharsi Malak Dr. Abiy Acmad
Addis Ababa, Waysu 01, 2012 ILL (FBC) A Sanatih Addat Boolul 6 Gabah Maddur Dadal Ankuttubelem Naharsi Malak Dr. Abiy Acmad Qaddoose.
Naharsi Malak Wakti Caagiida Kee Baaxo Caagid Wagsiisak Ummattah Awlaytiitih Malah Buxah Adoytiitik Ugutteh Tan Esseroorah Raddih Kee Addaffakot Abe.
Tama Raddil A Sanatih Addat Boolul 8 Gaba Maddur Dadal Ankuttubele Axcuk Ikraaro Akah Yibbixeeni Sugeenim Kassiisaak Koroonah Vayresiik Gexxaamah Boolul 6 Gabah Dadal Ankuttubelem Yiysixxige.
Taturteh Tan 10 Alsitteh Addat Kulli Luddal Meqe Dadal Edde Yunkuttubeh Yanim Kassiisaak, Koroonaak Gexxaamah Taturteh Tan 3 Alsitteh Addat Dadal Addah Ankasuk Yemeetem Qaddoose.
Tama Gexsitil 138 Biliyoonih Birrih Abuud Gacseenim Kee 221 Biliyoonih Birrih Abuud Bankik Tontocowweh Tanim Warse.
Ossetinah 87 Biliyoonih Birrih Bankil Daffeseenih Yaniinim Kassiisaak, Kulli Luddal Fayya Le Caddol Dadalak Geytimam Kassiise.
Yoome Abudut Arawah Anuk Away Canka Bankittel Yoome Abuud Boolul 3.4 Gaba Tonnah Tellemmo Banki Boolul 2 Gaba Yunkuseh Yanim Naharsi Malak Qaddoose.
Tama Addaffakootul Doolat Canka Bankittek Bondi Raaqiseenih, Agat Banki Koroonah Vayresik Lakal Bankitteh 48 Biliyoonih Birri Yeyyeeqeh, Qunxaah Tawwa Inta Idustiritte Akah Biyaakite Waytannah Tonnah Abuud Taqabi Keenit Akah Boode Wannah Tekkem Qaddoose.
Mango Abuud Luk Sugteh Tan Qiso Mekeltah Tan Maritte Kee Eglaalih 78 Biliyoonih Birrik Daggowe Wayta Lakqo Keenik Ugutteh Taniimih Addaffakot Abe.
Naharsi Malak Dr. Abiy 1o Alsitteh Addat Afa Baaxo Fanah Ruuban Murtitte Booul 13 Gabah Dadalem Kassiisaak, Bun 667 Miliyoonih Doolar, Qoborta 440 Miliyoonih Doolar Tonnah Tonnah Cado 45 Miliyoonih Doolarih Culenti Geytimem Qaddoose.
Taha Lih Koroonah Vayresiik Gexxaamah Baad Caddol Kataaseh Yan Taqabi Fayri Ossimteem Kee Bica Le Xayyoosiyyi Boola Kaxxa Doori Lem Yiysixxigen.
Ahak Ossetinah Taturte 10 Alsitteh Addat 27 Miliyoonih Doolarih Limo Le 800 Kilo Giram Agat Banki Fan Akah Culannah Tekkeh Tanim Naharsi Malak Dr. ABiy AZcmad Yeceh Yan Addaffakootul Kassiise.