Afrikak Elektronikis Tellemmoh Qokolul Asele Akak Iyyen 20 Biliyoonih Doolar Sittin Geye Gili Aben
Addis Ababa Caxah Alsa 02, 2012 (FBC) Afrikak Elektronikis Tellemmoh Akkele Akak Iyyen 20 Biliyoonih Ameerikah Doolarih Lakqo Sittin Gey Gili Hen.
Tama Sittin Gey Afrikak Elektironikis Tellemmoh, Islaamik Daddoosih Banki, Ayro Mawqa Kee Gabbi Afrikah Sittin Qokolih Egla (KOMESA) Biznes Malah Buxa, Tonnah Arab Indastiril Taamitta 30 Takke Eglaali Lih Gili Daffeesen.
Tama Sittin Geyi Taama Ginah Yan Baxaabaxsa Le Qunxaaneyta Kee Sayyo Catelem Afrikak Elektironikis Tellemmok Naharsi Saqalah Yan Gifta Mulualem Siyum Qaddoose.
Tahak Ugut Abak, Fooca Fan 15 Sanatih Addat 5 Miliyon Takke Tawwa Intaah Tonnah Fanti caddol Geytimta Taama Ginah, Dijital Bizines Qokol Abak 125 Miliyoonih Numuh Taama Saami Geysiiselem Yiysixxige.
Ahak Taturak, Baxsa Luk Qunxaaneyti Afrikah Qadaagat Gabat Agle Akah Yallenna Kee Tuxxiq Akah Geyannah Kaxxa Cato Lem Kassise.