Ambasadder Redwan Cusen Baxaabaxsa Le Baaxooxah Ambasadderitte Lih Walal Gexse

Addis Ababa, Caxah-Alsak 17, 2012 ILL (FBC) Afa Caagiidah Malaakih Xeetah Yan Ambasadder Redwan Cusen Daffena Addis Ababal Le Rusiya, Awustiraliya Kee Armeniyah Ambasadderitte Lih Walal Abe.

Tama Walalal Ambasadder Redwan Cusen, Itiyoppiya 3 Baaxooxa Lih Aydaadu Le Xer Waktih Angaaraw Lem Kassise.

Tama Angaaraw Tellemmo, Investiment, Qaada, baritto, Saynis Kee Teknoloji Qokolih Taamal Digga Luk Sitta Lih Taamitak Geytimaanam Kassise.

Tama Baaxooxa Lih Ahak Afal Abeenih Yanin Sittin Gey Gili Abina Fanah Baahak Qusba Sittin Geyih Gili Akah Yakkennah Essere.

Itiyoppiya Tama Baaxooxa Lih Ahak Afal Luk Sugte Angaaraw Aysiiselem Qaddoseeh Yanim Afa Caagiidah Malaakak Geyne Oyti yascasse.

Rusiya, Awustiraliya Kee Armeenih Ambasadderitte Isinni Le Kabuk Iyyeenimih, Itiyoppiya Away Edde tanih tan Milaagu Kee Akkuk Geytimta Taamoomi Faylisen.

Ahak Afal Abeenih Sugen Sittin Gey Gilitte Abina Fanah Baahak, Qusba Sittin Gey Gili Akah Yakkennah Abeloonum Warsen.