IFDRik Kalali Qande KOVID-19 Kalaluh Yakkeh Yan Macalah 51 Miliyoonih Birri Takke Maaliyyah Qokol Abte
Addis Ababa, Laqinik 28, 2012 ILL (FBC) IFDRik Kalali Qande KOVID-19 Kalaluh akkek Geytima Macalah 51 Miliyoonih Birrih Innah Takkeh Tan Maaliyyah Qokol Abte.
Tama Qokol Kalali Qandeh Adoytit 2 Alsih Alsiitak Yeceenim Warsen.
IFDRik Kalali Qandek Daga Naharsi Itamaazhor Reedeh Jeneral Adam Macammad, Ta Qokol Kalali Qande Baaxo Dacrisaanamih Xaqut Ayyuntiinoh Lon Qokol Elle Yaybulleenim Kinni Axcuk Qaddoose.
Kalali Qandeh Adoytit Tannah Tan Qokolitte Diggoyselem Warsan.
IFDRik Ciggiila Naharsi Malak Gifta Demeke Mekonnen Kalali Qande Baxaabaxsa Le Gitittel Baaxo Amaana Dacayrih Mangom Macalak Geytimaanam Qaddoose.
Baxsa Luk Baaxo Ceyah Addat Culta Wak Tannah Yan Qokol Abaanam Isih Ummatta Xaqut Tan Qande Kinnim Taybulle Axcuk Yiysixxoge.
https://t.me/FBCQafarAfihExxa