Itiyoppiyal 24 Saaqatih Addat 1 Alfi 408 Yakke Marak Koroonah Vayresih Fokkaaqo Aben
Addis Ababa, Qasa Dirri 22, 2012 ILL (FBC) Itiyoppiyal Taturteh Tan 24 Saaqootah Addat 1 Alfi 408 Numuk Koroonah Vayresih Fokkaaqo Abeenim Qaafiyat Malaakah Tan Dr. Liya Taddese Qaddosse.
24 Saqaatih Addat Abeenih Yanin Fokkaaqol Ossetinah 1 Numul Koroonah Vayres Geytimem Tama Malak Tiysixxige.
Ta Vayresit Tibbixsimeh Tanim Say Num Kinnuuk, Itiyoppiyah Baxa Kassiisaak, Bahirdar Magaalal Guubuh Geytimtam Kee Ta Dalkat Yibbixsime Mara Luh Angaaraw Luk Sugteh Tanim Dr. Liya Kassisse.
Tahak Ugut Abak Itiyoppiyal Koroonah Vayres Edde Geytime Marih Qadad 131 Gufem Dr. Liya Qaddosse.
Dr. Liya Tamaha Lih Elle Tasacssennal, 24 Saaqatih Addat Ossetinah 1 Numum Koroonah Vayresik Qaffootem Kassisse.
Tahak Ugut Abak Itiyoppiyal Koroonah Vayresik Qaffoote Marih Qadad 59 Gufem Qaddosse.
Amolladih Itiyoppiyal Koroonah Vayres Keenil Geytimem Akak Yismiten Marih Qadad 131 GKinnuuk, Tamakkeh Fanak 67 Num Deeliyyi Fanteenakl Dayli Kattat Keenih Abak Geytimaanam Kee 59 Num Tama Dalkak Qaffootem Tiysixxige.
Ta Vayresik Gexxaamah 3 Num Rabeh Yanim Kee 2 Num Kaaduk Isi Baaxo Fanah Tuduureh Tanim Tamixxige.