Itiyoppiyal 3 Num Ossetinah Koroonah Vayres Keenil Geytime
Addis Ababa, Qasa Dirri 12, 2012 ILL (FBC) Itiyoppiyal Ossetinah 3 Numul Koroonah Vayres Geytimem Qaafiyat Malaakah Tan Dr. Liya Taddese Qaddoose.
Qaafiyat Dacayrih Malaakah Tan Dr. Liya Taddese Ell Qaddossennal 24 Saaqatih Addat 396 Numuk Abeenih Yanin Laboratoori Fokkaaqo 3 Numul Koroonah Vayres Geytimem Tiysixxige.
Ta Vayresit Yibbixsime Mari Inkih Itiyoppiyah Xaylo Kinnoonum Kee Diridewah Magaalal Guubuh Geytimaanam Kassisse.
Tama Marih Fanak 11 Karma Kee 15 Karmah Urri Edde Geytimam Qaddowte.
Tama Urri Inkih Jabuutik Yemeteenim Kee Deeliyyi Fanteenah Addal Ken Abbaxuk Sugeenim Warsen.
Kalah Gexsi Awki 18 Karmat Geytimam Kee Safar Aydaadu Luk Suge Wem Kassiisaak, Takkay Ikkah Tama Biyak Yibbixeh Yan Mara Lih Angaaraw Luk Sugem Yiysixxigen.
Ahak Ugut Abak Itiyoppiyal Koroonah Vayres Yibbixeh Yan Marih Qadad 111 Gufe.
Tama Marih Fanak 1 Num Madarratah Yanim Kee 16 Num Akak Qaffootak, 3 Num Rabeh Yanim Tamixxige.
Away Deeliyyi Fanteenah Addal 91 Num Daylimak Geytima.