Itiyoppiyal Inki 9 Alsih Qumri Le Alqi Edde Anuk Ossetinah 8 Num Koroonah Vayresih Yibbixsime.
Addis Ababa, Qado Dirri 29, 2012 ILL (FBC) Itiyoppiyal Taturteh Tan 24 Saaqatih Addat Laboratoori Fokkaaqo Akak Aben 264 Numuk 8 Numul Koroonah Vayres Geytimeh Yanim Warsen.
Vayresit Yibbixsimeh Yan Marih Fanak Inki 9 Alsih Alqi Kee Kay Inal Geytime.
Qaafiyat Malaakah Tan Dr. Liya Taddese Elle Qaddossennal, 24 Saaqatih Addat Fokaaqo Akak Aben Marih Fanak 1 Eretiriyah Num Kinnuuk Raaqe 7 Itiyoppiyah Xaylo Kinnim Qaddosse.
Tahak Ugut Abak Itiyoppiyal Koroonah Vayresit Yibbixsime Marih Qadad 52 Fanah Fayya Iyye.
Tama Dalkat Yibbixsimeh Yan 8 Numih Fanak 5 Num Dubaayak Tuduureh Tan Maritte Kinnuuk, Tama Mari Kaaduk Deeliyyi Fanteenah Addal Kattat Akah Abak Sugeenim Yiysixxigen.
Tamakkeh Fanak Inki 9 Alsih Alqi Kee Ina Tama Vayresit Yibbixsimeenih Geytiman.
25 Karmat Geytimta Say Num Kinnuuk, Is Kaaduk Itiyoppiyah Taakubem Warsen.
Tama Sihadayto Ahak Afal Taylandik Tuduureh Tanim Kee Deeliyyi Fanteenah Addal Sugtem Dr. Liya Tiysixxige.
Kalah Kaduk 19 Karmat Geytima Itiyoppiyah Yaakube Awki, Iro Baaxoh Safar Luk Suge Wem Takkay Ikkah Ka Lih Angaaraw Luk Suge Mara Kattaatak Geytimaanam Tiysixxige.
Gexsi 30 Karmat Geytimta Eretiriyah Taakube Say Num Kinnuuk, Engiliizik Inaytah Tan London Magaalak Tuduureh, Deeliyyi Fanteenah Addal Kattat Abak Sugte.
Dr. Liya Elle Qaddossannal Addis Ababa Kee Kalah Tan Rakaakay Magaaloolil Koroonah Vayresih Fokkaqo Edde Aban Laboratoori Dudda Fayya Haak Geytimaanam Tiysixxige.
Itiyoppiyal Ta Vayresit Yibbixsimeh Yan Marih Fanak 1 Num Umannah Biyaakitak Geytimam Kassisse.
Aham Fanah 4 Tama Vayresik Qaffooteh Yanim Kee 2 Rabeh Yanim Dr. Liya Taddese Tiysixxige.