Itiyoppiyal Koroonah Vayresit Ossetinah 3 Numul Geytimem Qaafiyat Malak Qaddoose
Addis Ababa, Qado Dirri 20, 2012 ILL (FBC) Itiyoppiayal Koroonah Vayrest Tibbixsimeh Tan Ossetinah 3 Num Geytimem Qaafiyat Malak Qaddoose.
Tama Malaakih Maybalaalaqa Ahak Gubal Xayyoowele:_
Itiyoppiyak Ayyunti Qaafiyatih Fanteena Taturteh Tan 3 Ayroorah Addat Bacra Taban Kee Malcin Yakke Marak Laboratoori Fokkaaqo Abak Ta Vayresit Tibbixsimeh Tan Ossetah Sidiica Numul (3) Geytimeemik Ugut Abak Mi Baaxol Ta Vayresit Tibbixsimeh Tan Maritteh Qadad Taban Kee Sagal (19) Gufeh Geytima.
Ta Vayres Edde Geytime QImboh Num Say Num Kinnuuk, Karmak 26 Geytimta Itiyoppiyah Baxa Kinni. Tama Sihadayto Qado Dirrik 10 Sanat 2012 ILL Beljeemik Inaytah Tan Birasleesik Tuduureh Tanim Oyti Yascasse. Wohuk Kalah Kaameroonu Fanah Safarteh Sugtem Safar Oyti Teetik Yascasse.
Biyak Asta Isi Tuble Wak Qaafiyat Fanteena Fanah Gexxeh Tokkel Qaafiyat Mihratleela Abteh Tan Dereemul Itiyoppiyak Ayyunti Qaafiyatih Fanteenah Yiysixxigen.
Itiyoppiyak Ayyunti Qaafiyatih Inistituyut Teetih Abteh Tan Fokkaaqol Ta Vayres Qado Dirrik 19, 2012 ILL Teetit Geytimu Duude.
Raaqe Nammay Kaaduk Inki Buxah Marih Adoytit Kinnim Qaddoosaak 14 Karmat Geytima Awka Kee 48 Karmat Geytima Num Kinnon.
Tama Buxah Mari Ahak Afal Ta Biyaakih Asta Luk Suge Weenim Takkay Ikkah Ta Vayresit Yibbixsimeh Yan Numu Lih Agaaraw Luk Sugeenimih Taagah Sinni Deelak Kattat Keenih Abak Sugen.
Tama Marah Qado Dirrik 19, Sanat 2012 ILL Keenih Abeenih Yanin Fokkaaqol Ta Vayres Keenil Geytimu Duude.