Itiyoppiyal Ossetina 3 Numul Koroonah Vayres Geytime
Addis Ababa, Qado Dirri 30, 2012 ILL (FBC) Itiyoppiyal Tatre 24 Saaqatih Addat Laboratoori Fokkaaqo Akak Aben 225 Numih Fanak 3 Numul Koroonah Vayres Geytimem Qaafiyat Malak Qaddose.
Tahak Ugut Abak Itiyoppiyal Koroonah Vayresit Yibbixsime Marih Qadad 55 Fanah Fayya Iyeh Geytima.
Qaafiyat Malak Dr. Liya Taddese Tama Vayres Itiyoppiya Fanah Cule Ayrook Xabba Haanam 2 Alfi 496 Yakke Marak Laboratori Fokkaaqo Abeenim Qaddosse.
Tah Kinniimih Taagah Asaaku Geytime Ossetina 3 Num Lih itiyoppiyal Tama Vayresit Yibbixsime Marih Qadad 55 Fanah Fayya Iyyeh Geytimam Tiysixxe.
24 Saaqatih Addat Aben Fokkaaqo Akak Abeenih Ta Vayres Edde Geytime 3 Num Inkih Inkih Itiyoppiyah Xaylo Kinnuuk, 2 Num Iro Baaxoh Safar Luk Sugeh Yanim Yiysixxigen.
29 Karmat Geytima 2 Num Kinnuuk, Dubayak Yudeereenih Deeliyyi Fanteenah Addal Kattat Keenih Abak Sugeenim Warsen.
Gexsi Num Kaaduk 36 Karmat Geytimah Iyya Amaara Rakaakayak Awwi Rasuk Addis Qhidam Magaalal Guubuh Geytima Num Kinni.
Tama Num Iro Baaxoh Safar Luk Sugeweem Kee Tama Biyaakat Yibbixsime Mara Lih Angaaraw Luk Sugeh Axcuk Dereemut Deeliyyi Fanteenal Ka Abbaxuk Sugeenim Warsen.
Tama Vayres Yibbixeh Yan Marak 1 Num Kaxxam Biyaakitaamak Ugut Abak Hanaawi Faxxa Maritteh Fanteenal Kattat Akah Abak Geytimaanam Dr. Liya Taddese Tiysixxige.
Away Ta Vayres Fixiixak Geytimaamak Ugut Abak Tama Vayresih Asta Leh Tan Maritte Kee Yibbixeh Yan Mara Lih Angaaraw Luk Sugte Maritte Wagiita Dagarah Aysaxxaguk Sinni Masuuliyyatak Yawqeenim Faxximtam Kassisse.