Itiyoppiyal Ossetinah 3 Numul Koroonah Vayres Geytime
Addis Ababa, Qasa Dirri 05, 2012 ILL (FBC) Itiyoppiyal Ossetinah 3 Numul Koroonah Vayres Geytimem Qaddoosen.
Qaafiyat Malaakah Tan Dr Liya Taddeese Elle Qaddossennal Aham Fanah 14 Num Tama Vayresik Qaffooteh Yanim Tiysixxige.
Taturte 24 Saaqatih Addat 247 Numuk Laboratoori Fokkaaqo Abeenim Kassisaak, Tama Marak 3 Numul Koroonah Vayres Geytimem Dr. Liya Qaddosse.
Tama Vayres Edde Geytimeh Yan Mari Inkih Itiyoppiyah Xaylo Kinnoonum Kee Addis Ababah Magaalal Guubuh Sugeenim Kassiisaak, Tama Mari Iro Baaxoh Safar Luk Suge Weenim Tiysixxige.
Tama 3 Numuk 2 Lab Mara Kinnuuk, Ta Vayresit Yibbixsime Mara Lih Angaaraw Luk Sugeenik Suge Weenim Uxih Akak Yismiteenim Matan.
3hele Tama Vayresit Tibbixsimeh Tanim Kaaduk 23 Karmat Geytimta Say Num Kinnuuk, Tama Vayresit Yibbixsime Mara Lih ANgaaraw Luk Sugteh Tanim Qaddowte.
Ahak Ugut Abak Itiyoppiyal Koroonah Vayresit Yibbixsime Marih Qadad 74 Gufe.
Gexsi Xaaguh Ta Vayres Keenil Geytimem Akak Yismiteeni Sugen Marittek Ossetinah 4 Num Qaffooteh Yanim Kassiisaak, Away Sittat 14 Num Qaffooteh Geytimam Warsen.
Itiyoppiyal Aham Fanah 4 Alfi 110 Numuk Koroonah Vayresih Fokkaaqo Abeenih Yaniinim Yiysixxigen.