Koroonah Vayresih Asta Edde Ambulle Wayte 2 Alfi 90 Yakke Marak Abak Sugen Kattat Soolisen

Addis Ababa, Qado Dirri 19, 2012 ILL (FBC) Kattat Akah Abak Sugen Koroonah Vayresih Asta Edde Ambulle Wayte 2 Alfi 90 Yakke Marak Kattat Sooliseenim Itiyoppiyak Ayyunti Qaafiyatih Fanteena Tiysixxige.

Tama Fanteena Baaxo Fanah Culteh Tan 636 Takke Maritte Deelimma Iyyeenih Akah Sugan Innah Tatrusen Margaqaak Ugut Abak 14 Ayroh Deeliyyi Fanteenal Geytiman.

Safarak Temeeteh Tan Maritteh Inkih Tan Hootelittel Qaafiyat Mihratleela Missoosak Qaafiyat Kattaatu Keenih Abak Geytimaanam Warsen.

Gexsi Kabuk Ahak Dagal Qaddowteh Tan Madqa Tawqeemik Naharat Baaxoh Adda Fanah Culteh Tan 873 Yakke Mari Sini Buxah Addal Gacak Telefoonul 14 Ayroh Gideh Kattat Keenih Abak Sugeenim Qaddoosen.

Taturteh Tan 24 Saaqatih Addat Ta Oyti Missoowem Fanah Koroonah Vayresih Asta Tuybulleh Tan Marittek Malcina Tabna Kee Sagal (70) Yakke Marak Laboratoori Fokkaaqo Keenih Abak Tama Vayresik Curri Yekkenim Diggowte.

Koroonah Vayres Kaat Geytimte Inki Num Kaha Abak Sugen Qaafiyat Kattaatuk Ugut Abak Away Qaffooteh Geytimam Kee Uxih Yaanam 14 Ayroh Gideh Kattat Kah Abak Sugeloonum Yiysixxigen.