Koroonah Vayresih Cunxo Yaynukusoonuh Baxaabaxsa Le Yaakimi Bicih Taama Akkuk Geytimta
Addis Ababa, Caxah-Alsak 17, 2012 ILL (FBC) Koroonah Vayresih Cunxo Yaynukusoonuh Baxaabaxsa Le Yaakimi Bicih Taama Abak Geytimaanam Itiyoppiyak Ayyunti Qaafiyatih Inistituyut Yiysixxige.
Tama Inistituyutuk Naharsi Dayrekterih Yan Dr. Eba Abate, Ta Fanteena Koroonah Vayresi Kalalitoonuh Faxximma Inta Bicitte Abak Geytimaanam Qaddose.
A saaku Yeceenih Yanin Maybalaalaqal, Tatre Agda-Baxissoh Alsak 15 Sanat 2012 ILL Xabba haanam Itiyoppiyak Qaran Merraytih Egla Kee Inkih Tan Culma Fanteenitil 324 Alfik Daga Yakke Mara Loonuh Yanin Niqnal Ken Barissa Heenih Abbaxuk Sugeenim Yescesse.
Awayi Saaqat 829 Yakke Marah kattat Abak Geytimaanam Ascassuuk, Tatre Ayyaamak Xabba Haanam 12 Takke Qusba Oytitte Tama Inistituyutuh Fanah Temeetem Kassise.
Takkay Ikkah Abeenih Yanin Fokkaaqol Tama Biyaakih Asta Numul Geytime Waytem Qaddoose.
Away Elle Suga Fanteenitil Kattat Aba Mari Ane Waam Yiysixxige.
Ta Vayres Away Chaynak Taturak Mangoh Tan Baad Baaxooxal Baarimak Geytimaamak Amakkaquk Ayyunti Faxe Waktik Cubbi Abam Faxximtam Yescesse.
Chayna Kee Tama Lakimi Elle Yumbulleh Yan Baaxooxak Taamate Maritte Kee A Lakimih Asta Elle Tablen Maritte Cinda Telefoonul 8335 Fanah Haak Taysixxigeenim Duddan AxcukQaddose.
A Xayi Udduurih Addat Chaynak Wuhan Magaalal Qimmiseh Yan Koroonah Vayresik Gexxaamah Aham Fanah 2 Alfi 698 Yakke Mari Edde Rabak, 80 Alfiik daga Yakke Mari Tama Vayres Dagarat Keenik Yanim Warsan.
Tama Vayresik Baarimak 34 Takke Baad Baaxooxah Addat Geytimem Qaddoosan.