Koroonah Vayresit Abbixsimuk Madarrath Yan Marih Dayli Faxah Yan Marih Qadad Fayya Iyyeh Geytima.
Addis Ababa, Diteli 18, 2012 ILL (FBC)Koroonah Vayresit Abbixsimuk Madarratah Yan Marih Qadad Ossimeh Geytimam Qaddoosen.
Miliniyem KOVID 9 Dalkak Dayli Fanteenak Meedikal Dayrekterih Yan Dr. Wuletaw Channe Fana Birodkasting Korporeetih Elle Qaddoosennal, Tama Fanteenah Addat Kaxxa Kattaatu Faxxah Tan Maritte Dibuk Oggolak Geytimam Yescesse.
Ta Fanteenah Addal Geytima Okisijin Dayla Elle Yacen Footima Biyaakita Marih Mangaak Gexaamah Kibbimeh Geytimam Warse.
Kulli Ayroh Addat 20 Daga Yakke Mari Oksijin Araca Fanah Culak Geytimaanam Yiysixxige.
Away Edde Nan Caddol Ta Fanteenah Arac Kaxxa Ceya Allelem Kassiisa, Biyaakita Mari Ossimak Ken Duddaak Bisoh Akkuk Yemeetem Warsa.
Ta Fanteenah Addat Awayi Saaqatat 217 Yakke Mari Geytimam Kee Tamakkeh Fanak 44 Num Madarratat Geytimam Qaddoose.
Koroonah Vayresit Kaxxam Xayih Tan Lakimitte Alle Waytah Tan Maritte, Axcih Qunxa Mari Tama Dalkak Ummannah Gacak Amaatuk Geytimam Yescesse.
Ta Fanteena Taama Qimmissem Kee Takke Fanah 2 Alfi 500 Daga Yakke Mara Daylisseh Tanim Kee 22 Num Kaaduk Ta Fanteenah Addat Keenik Edde Rabem Qaddoose.
Fanteenah Addat 4 Daga Takke Dagaatirwal Koroonah Vayres Geytimem ascassuk, Uxih Kinnih Ummatta Abtah Tan Garcik Tawqem Faxximtam Kassiise.
Itiyoppiyal Koroonah Vayresit Yibbixsime Marih Qadad 40 Alfiik Daga Yekkeh Yanim Kee 600 Daga Yakke Mari Kaaduk Koroonah Vayresit Rabeh Yanim Oyti Yascasse.