Malkit Akak Soolisen Maritteh Fanak Meetek Kee Waysuk 15 Caagiidit Gaba Luk Sugte Maritte Edde Tanim Warsen
Addis Ababa, Caxah-Alsak 17, 2012 ILL (FBC) Ahak Afal Baxaabaxsa Le Baatilit Gaba Luk Sugteh Iyyeenih Dereemen Marittek Malkit Sooliseenim Federaalak Daga Raaqa Gaaroyse Qaddose.
Tama Kutbeh Buxak Cuduk Tabta Baatilitteh Dayrekterih Yan Gifta Fukaadu Tsegaye Kee Tama Kutbeh Buxak Ummattah Angaaraw Kee Komnikeeshin Dayrekterih Yan Gifta Zinabu Tullu Asaakih Ayro Maybalaalaqa Yecen.
Tama Maybalaalqalal Ahak Afal Baxaabaxsa Le baatilit Gaba Luk Suge Marak 63 Yakkeh Iyyak Malkit Sooliseenim Qaddoosen.
Tama Marih Fanak Meetek, Somalih Rakaakay, Benishangul Gumuz Rakaakay, Sidaama Kee Waysuk 15 Caagiidil Yibbixeenih Sugen Mari Edde Geytimam Warsen.
Meetekik Atlaaket Gaba Luk Suge Marak Dagom Akak Ruubeenim Kassisaak, adan Baxi Ceeloh Xukkot Miraacinni Taamat Suge wayteh Tan Maritte Ruubeenih Yaniinim Kassisen.
Baaxoh Inkttinaane Kee Milaagi Caagid Cubbit Haak Abeenim Kassisaak, Siyaasa Gabat Agle Akah Baarimtannah Tama Mara Ruubeenim Yiysixxigen.
Tama Maybalaalaqal Baxaabaxsa Le Baatilit Gaba Leh Akak Iyyen 3 Alfi 606 Yakke Marih Fanak 1 Alfi 682 Yakke Mara Xabba Heenih Madqa Gital Kusaq Keenik Abak Geytimaanam Warsen.
Fooca Fanah Anxibbime Weh Yan Mara Abbaxuk Madqa Gital Akah Esserimannah Abeloonum Qaddosen.
Tahak lakal Ayyuntiino Retteema Takke Gexsi Gitittel Ummatta Kee Ummatta Boodissah Tan Migaq Baysiyyi Yaabitte Tabissah tan Maritte, A Xayi Udduurih Addat Faaticimeh Yan Kuktaak Ugut Abak Akah Diggalsiman Innah Abeloonum Qaddoosen.
Atlaaket Arawah haak Ta Kutbeh Buxa xayi Udduurih Addat Kattat Abak Baatileynit Madqa Fanah Baahanamih Taama Akkelem Kassisen.
Madqaak Iroh Carbi Silaacitte Kee Kalah Tan Baatilittet Gaba Leh Tan Maritte Meexak, Yabbixeenimih Taama Akkele Qaddosen.