Naharsi Malak Abiy Acmad Halaabah Ummatta Itiyoppiyah Biso-Maxco Arac Akah Xagtannah Taamitaanamih Seeco Abe
Addis Ababa, Caxah-Alsak 18, 2012 ILL (FBC) Naharsi Malak Dr. Abiy Acmad Halaabah Ummatta Ahak Afal Itiyoppiyal Luk Sugte Aydaadu Away Agat Biso Maxcoh Arac Akah Xagtannah Edde Yantiffiqimeenim Faxximtam Qaddoose.
Naharsi Malak Asaakih Ayro Kullittoh Istadiyomul Halaaba Rasuk Yewqeh Yan Ayyuntih Dagortih Foocal Farmo Tatruse.
Tama Farmol Halaabah Ayyuntib Ahak Afal Luk Sugte Aydaadul Itiyoppiyal Kaxxa Doorit Kassisaak, Ahim kaaduk Awayi Qasril Baaxo Biso-Maxcoh Edde Yantiffiqimeenim Faxximtaamih Seeco Keenih Xayyoose.
Doolat Halabah Ummattah Abak Geytimta Qokol Diggoyselem Kassiise.
Tamaha Lih Ummatta Digga Luk Taamitak Bisoh Akah Iyyan Innih Farmo Tatruse.
Alfittel Loowimta Ummatta Kullittoh Istadiyomul Geytimak, Naharsi Malakah Kaxxa Garayyo Aben.
Naharsi Malak Keenit Abeh Yan Gufne Kee Abak Geytima Taamah Galtoh 120 Agur Kee 3 Rakub Acwah naharsi Malaakah Yecen.
Naharsi Malak Asaaku Kenbata Tenbarroh Rasuk Duraameh Magaalal Geytimak Ayyunta Lih Walal Abe Suge.