OBN Ayro Mawqah Afrikal Guftam Elle Dudda 2hle Chaanalih Gibbatu Qimmisse
Addis Ababa Qasa Dirri 08, 2012 ILL (FBC) Oromiya Birodkasting Network (OBN) Ayro Mawqah Afrikah Caddol Guftam Elle Dudda 2hele Chaanal Fakak Gibbatu Qimmisse.
A Chaanal OBN Afrikah Gaysa/Ayro Mawqah Afrika (OBN Horn Of Africa) Akah Mugaaqisan Innah Rakaakay Doolat Margaqa Tatrussem, Ciggiila Rakaakay Saqalih Caddol Sittalluk Alliyyi Kilasterih Saqal Kee Tama Eglak Bordi Gaaboyseh Yan Gifta Addisu Aregga Isi Facebookih Galil Qaddoose.
Ta Baadal Taybullik Naharsi Hadaf Afrikah Gaysah Ummatta Sittal Xayyoosaanam Kee Tookobiinu Diggoysaanam Kinnim Warse.
Ahak Kalah Ayro Mawqah Afrikak Dariifa Fantaaxaw Diggoysaanamak Kalah Oroomoh Ummatta Kee Oroomiyah Rakaakayih Doolatak Qambalsimta Masuuliyyatak Tawaqahuk Kaxxa Cato Allelem Yiysixxigen.
Ta Chaanal Affan Oromo, Engiliizi, Qarabi, Soomalih Afaay, Tigrigna, Suwacili, Qafar Af, Amarah Af, Sidaamah Af Kee Kalah Tan Afittel Xaagu , Barnaamijitte Kee Waana Barnaamijitte Edde Tatruseloonum Qaddoosen.