Oromiya Kee Qafar Rakaakal 28 Miliyoonih Birrit Baritto Buxal Maaqiddi Maskammoh Taddeera Qaddoosen
Addis Ababa, caxah-Alsak 18, 2012 ILL (FBC) Oromiya Kee Qafar Rakaakayittel Geytimtah Tan Alaaqa Tuxxiq Edde Geyele Akak Iyyen Baritto Buxal Maaqiddi xayyoosiyyih Taddeera Qaddoosen.
Ta Ikraarol 28 Miliyonih Doolar Akah Yibbixeenim Kee 677 Alfi 247 Takke Alaaqa Tuxxiq Edde Geyele Axcuk Qambaalan.
Tama Ikraaro, Baadak Maaqiddi Taddeera Kee Ameerikak Buqre Malak Sitta Lih Cattiimak Takku Waytam Yiysixxigen.
Baritto Malaakak Baritto Buxah Maysaasah Barnaamijih Dayrekterih Yan Gifta Yasasabu Birkineh, Itiyoppiyal Akkuk Geytimta, Baritto Buxaaxil Maaqidda Xayyosaanah Yaskameenimih Ikraaro, Taqabi Addat Geytimta Alaqa Barittok Akah Raaqe Wan Innah Kaxxa Cato Abak Geytimam Qaddoose.
Baadak Maawqiddi Taddeera A 2 Rakaakayal Geytimtah Tan Barittoh Buxaaxil Yaskameenimih Ikraaro Maaliyya, Mattabinnu Kee Kalah Tan Baar Le Abak raagitte Akak Geyeenim Yiysixxige.
Itiyoppiyal Baadak Maaqiddi Taddeerak Ciggiila Dayrekterih Yan Metek Maaj is Le Katuk Iyyeemih, Baadak Maaqiddi Taddeera Kee Qokol Eglaali Lih Gacak Itiyoppiyah Doolat Abak Geytimta Baritto Buxaaxil Barteynit Yaskameenimih Qokol Diggoyselem Qaddoose.
Tamaha Lih, Baadak Maaqiddi Taddeera, Ameerikak Buqre Malaka Lih Cattiimak Tatre 10 Sanatih Addat 54 Miliyon Takke Ameerikah Doolaraak Daga Takke Lakqo Akah Ayyaaquk Qokol Abeenim Yiysixxigen.
Tahak Ugut Abak, 3 Miliyoonih Innah Takke Alaaqa Akah Tantiffiqimennah Abeenimi, Baritto Malaakak Geyne Oyti Yascasse.