Rakaakayitte Koroonah Vayresih Kalaluh Faxxiima Bica Abeenih Geytiman
Addis Ababa, Qado Dirri 19, 2012 ILL (FBC) Naharsi Malak Dr. Abiy Acmad Rakaakay Saqolti Kee Namma Magaala Xiinissoh Saqolti Lih Koroonah Vayresih Caagiidil Abak Geytiman Taamah Caagiidal Walal Keenillih Abe.
Tama Walalal Koroonah Vayresih Kalaluh Faxximta Bicittek Gaba Kaleenih Giytimaanam Warsen.
Tama Vayresih Kalaluh Takkeh Tanih Tan Taamoomik Ayyunta Barsaanamih Cagaiidal Mango Taama Tekkeh Tanim Yiysixxigen.
Takkay Ikkah Diini Aroocal Sittak Yaxxereenimih Caagiidal Uxih Taqabi Yanim Kassiisen.
Vidiyo Konferensil Abeenih Yanin Tama Walalal Rakaakayitte Dayli ASilaacih Taqabi Keenil Yanim Warsen.
Wohuk Kalah Qaafiyat Mihratleelah Katauk Dagiina Loonum Yiysixxigen.
Rakaakayitte Away Qimmiseenih Yanin Taamoomik Ayyuntak Mabla Diggoysaanamih Taama Bisoh Heeloonum Qaddoosen.
Tahat Arawah Yan Xaagul Naharsi Malak Dr. Abiy Acmad Koroonah Vayresih Kalaluh Ayyunti Abak Geytimah Yan Qokoluh Gadda Gacse.
“Ta Taqabi Udduurih Addat Tannah Tan Maqaaneh Meqe Sorkoco Baxa Leh Tan Marittey Abtaanah Tanin Meqe Taamah gadda Siinih Gacisna, Nummah Itiyoppiyah Xaylo Kinniton” Axcuk Naharsi Malak Tatruseh Yan Farmol Gadda Keenih Gacse.