Taturte 24 Saaqatih Addat Itiyoppiyal 150 Numu Koroonah Vayresit Yibbixsimeeh 1 Num Edde Rabe
Addis Ababa, Laqinik 27, 2012 ILL (FBC) Itiyoppiyal Taturteh Tan 24 Saaqatih Addat 5 Alfi 141Laboratoori Fokkaaqo Abak 150 Numul Koroonah Vayres Geytimem Qaafiyat Malak Qaddoose.
Tama Marih Fanak 94 Labmara, 56 Sayyo Kinnim Warsen.
Karmak 3 Ila 72 Karmah Fanat Yan Mara Kinnuuk 147 Num Itiyoppiyah Xaylo Kinnim Kee Raaqe 3 Afa Baaxoh Xaylo Kinnoonum Yiysixxigen.
Ta Dalka Edde Geytimeh Yan Marak 123 Num Addis Ababa, 1 Num Qafar Rakaakayaay, 2 Num Tigray Rakaakayay, 3 Num Gabbi Rakaakayaay, 2 Oromiyah Rakaakayay, 13 Num Amaara Rakaakayaay, Tonnah 6 Num Somalih Rakaakay Kinnim Qaddoosen.
Kimaalih Ayro Kaaduk Addis Ababak Ekka Kotoobeh Hospiutaalal Daylimak Suge 30 Karmah Num Rabeh Yanim Yiysixxigen.
Ahak Ugut Abak Rabeh Yan Marih Qadad 18 Gufeh Geytima.
Kimaalih Ayro 4 Num Qaffooteh Yanim Kassiisaak Itiyoppiyah Caddol Koroonah Vayresik Qaffoote Marih Qadad 250 Gufeh Geytima.
Away 1 Alfi 366 Num Koroonah Vayresih Dayla Kattaatak Geytimaanam Qaddoosen.
Madarratah 16 Num Geytima.
Aham Fanah Itiyoppiyah Caddol Koroonah Vayresit Yibbixsime Marih Qadad 1 Alfi 636 Gufeh Yanim Warsen.
Aham Fanah Itiyoppiyah Caddol 125 Alfi 570 Numuk Laboratoori Fokkaaqo Tekkeh Geytimta.