Yallo Daqaaral Gino Gaddih Dacayri, Buqre Kee Kobliston Taamah Aydakaakan Beye 70 Yakke Qunxaaneyta Dooqaysen
Addis Ababa, Caxah-Alsak 17, 2012 ILL (FBC) Qafar Agatih Rakaakayih Doolatak Fanti Rasih Xintok Yallo Daqaaral Gino Gaddih Dacayri, Buqre Kee Kobliston Taamah Aydakaakan Beyeh Yan 70 Yakke Qunxaaneyta Dooqaysen.
A Aydakaakan GIZ Xiqsitta Meqem Abittoh Egla Lih Cattiimak Yecen Aydakaakan Kinnim Warsen.
Tama Aydakaakan 40 Ayroh Gideh Yecen Aydakaakan Kinnuuk, Qunxaaneyti Kulli Luddal Abinal Akah Bartannah Abeenim Qaddoosen.
Qunxaaneyti Tama Aydakaakanal Gino Gaddih Dacayrih Taamal Lee Kee Ballaqe Waasoh Taamaay, Buqre Taama Kee Kobliston Taama Elle Aban Innih Baritto Edde Geyen.
Ta Dooqaysoh Aracal Rakaakayaay Fanti Rasu Kee Yallo Daqaarak Fayya Le Miroctiiy Tonnah Ji Ay Zeed (GIZ) ik Fayya Le Saqal’a Edde Tengele.
A Dooqaysoh Aracal Geytimak Yaabal Fakteh Tanim Fanti Rasih Xintok Saqalah Yan Gifta Macammad Amin Surta, Qafar Qunxaaneyti Xalul Gino Gaddih Dacayrih Taama Isih Abak, Tonnah Is Elle Xiqam Duuda Taama Abeenim Kaxxam Faylisak Annah Tan Taama Diggowtam Faxximtam Yescesse.
Qunxaaneyti Away Qimmise Taamal Diggowam Faxximtam,.
Tonnah A Taama Abteh Tan GIZ Kee Yallo Daqaarih Xintoh Gadda Gacse.
Kalah Tama Aracal Geytimak Yab Abteh Tenem GIZik Itiyoppiyah Luddak Saqal’ah Tan Dr. Elsabet Qunxaaneyti Geyeh Yan Barittol Yuybulleh Yan Xalootul Ruffa Edde Intem Kassisaak, Qafar Edde Tanih Tan Wadir Raq Kee Baacak Tawaquh Gaba Taamoomil Diggowaanam Faxximtam Kassiisse.
Ta Aydakaakan Beyeh Yan 70 Yakke Qunxaaneytah Sumaqta Warkat Kee Acwa Keenih Yecen.
Tama Qaffaydaak Lakal Qunxaaneyti Aydakakan Udduurul Abinal Abak Sugen Taamat Gufne Abneenim Yallo Daqaarak Saqaay, Buqre Kee Gino Gaddih Daddoosih Kutbeh Buxak Geyne Xaagi Yascasse.