Itiyoppiyal Koroonah Vayresit Ossetinah 1 Numul Geytime
Addis Ababa, Qasa Dirri 01, 2012 ILL (FBC) Itiyoppiyal Ossetinah 1 Numul Koroonah Vayres Geytimem Qaafiyat Malaakah Tan Dr. Liya Taddese Qaddosse.
Itiyoppiyal Tatre 24 Saaqatih Addat 294 Numuk Abeenih Yanin Laboratoori Fokkaaqolk 1 Numul Koroonah Vayres Geytimem Dr Liya Isi Facebookih Galil Tiysixxige.
Tahak Ugut Abak Itiyoppiyal Koroonah Vayres Yibbixeh Yan Marih Qadad 56 Fana Fayya Iyye.
Tama Vayres Edde Geytimeh Yan Num 43 Karmat Geytima Itiyoppiyah Num Kinnuuk, Iro Baaxoh Safar Luk Sugem Kee Kanaadaak Dubay Dubaayak Itiyoppiya Fanah Yudeere Num Kinnim Qaddosse.
Tama Num Yuduurek Lakal Deeliyyi Fanteenah Addal Ka Abbaxuk Sugeenim Tiysixxige.
Koroonah vayres Itiyoppiyal Geytime Ayrook Xabba Haanam 2 Alfi 290 Numuk Laboratoori Fokkaaqo Abeenim Kassisse.
Itiyoppiyal Koroonah Vayres Edde Geytimeh Yan Marak 4 Num Qaffooteeh, 2 Num Rabeeh, Gexsi 2 Num Kaaduk Sinni Baaxo Fanah Tuduureh Tanim Tamixxige.