Baad Baaxooxa Koroonah Vayresih Kalaluh Maqar Le Taama Abtam Faxximta – Baadak Qaafiyat Egla
Addis Ababa,Caxah-Alsak 17, 2012 ILL (FBC) Baadal Kaxxam Cunxisak Geytima Koroonah Vayres Kalalih Taamoomi Diggowtam faxximtam Baadak Qaafiyat Egla Qaddosse.
Tama Vayresi Baxaabaxsa Le Baaxooxal 80 Alfiik Daga Yakke Mara Yibbixeh Geytimam Oyti Yascasse.
Baadak Qaafiyat Eglak Naharsi Dayrekteretih Yan Dr. Tedros Adcanom Jeneval Xagi Qawah Yeceh Yan Maybalaalaqal, Iran, Taaliyan Kee Gabbi Koriyal Koroonah Vayresit Yinxibbime Marih Manga Ossimak Yemeetem Warse.
Baadak Qaafiyat Eglak Qawwalaylah Udduurih Taddeerak Saqalah yan Mayik Rayan Baaxooxa Tama Biyaakah Cubbi Abaanam Faxximtam Yescesse.
Koroonah Vayres Edde Geytimeh Yan Baaxooxa Kalali taamah Sitta Lih Abaanam Faxximtam Kassise.
Iran Kee Taaliyan Tama Biyak Kalalitoonuh Kaxxa Macal Abak Geytiman.
Baadal kaxxaam Nabah Tan Qadaaga Fanteena Welisrit Kee London Tama Vayresik Gexxaamah Qadaaga Keenik Xabacteh Geytimta.