Bil Gets Ayro Mawqa Afrikal Qanayti Kalali Taamah 10 Miliyoonih Doolarih Cato Abe
Addis Ababa, Caxah-Alsak 18, 2012 ILL (FBC) Bil Kee Milenda Gets Fawundeshin Ayro Mawqah Afrikal Yanih Yan Qanayti Kalalih Taamah 10 Milyoonih Doolar Lakqo Cato Abe.
Tama Lakqo Baadak Maaqidda Kee Buqreh Egla (FAO) Katuk Qanayti Abak Geytima Fixix Yaynukuseenim Elle Duudan Kalali Taamah cato Akkelem Warsen.
Galli Maroh Eglah Katuk, Ayro Mawqah Afrikal Yanih Yan Qanaytu Kalalitoonuh 138 Miliyoonih Doolar Faxxiimam Qaddooseenih Sugen.
Aham Fanah Tama Egla 33 Miliyoonih Doolarih Lakqo Gabossam Duddem Kee Uxih Yaanam Baaxoxa Kee Meqem Abittoh Eglaali Qokol Abaanam Faxximtam Qaddoosen.
Itiyoppiya Edde Anuk 6 Takke Ayro Mawqah Afrikah Baaxooxal Yanih Yan Qanayti Buqre Kee Qaysot Kaxxa Baysa Abak Geytima.
A Qanayti Mango Sanootak Lakal Fayya Le Caddol Taqabi Kataasak Geytimam Warsen.