Jarmanal Bool Alfittel Loowima Mari Deeliyyi Fanteena Akah Culan Inah Aben
Addis Ababa, Waysu 11, 2012 ILL (FBC) Jarmanal Bool Alfittel Loowima Mari Koroonah Vayresit Yibixsimeenimik Ugut Abak Deeliyyi Fanteena Fan Akah Culan Innah Aben.
Jarmanak Kilbatti Ayro Kormak Gutersoloh Xiqsitta Saqi Masgaada Kee Cado Maaqiddih Bica Elle Aban Fabrikah Addal 650 Daga Takke Taama Abeynit Koroonah Vayresit Yibbixsimeenim Yasmitoonu Duuden.
Tamakkel Taamittah Tan Taama Abeynitik 1 Alfiik Daga Takkeh Iyyak Laboratoori Fokkaaqo Keenih Abeenih Yaniinim Warsen.
Kalah Kaaduk Alfittel Loowimta Taama Abeynit Laboratoori Fokkaqoh Qambaalak Geytimaanam Yiysixxigen.
Tahak Ugut Abak Tama Mara Lih Angaaraw Luk Sugeh Yan Mara Doorak Deeliyyi Fanteena Fan Akah Culan Innah Abak Geytimaanam Qaddoosen.
Away Tama Fabrikah Taama Abeynit Inkitanuuk Taama Soolisseh Tanim Warsen.
Awroppah Inkiinok Mango Ummatta Leh Tan Jarman 9 Alfiik Addah Yan Mari Koroonah Vayresit Teetik Rabeh Geytimam Warsan.
Ah Iyyaanam Awroppah Baaxooxa Agid Koroonah Taqabi Elle Geytimah Iyyak Kaxxaam Dago Ixxima Kinnim Qaddoosan.