Fiigicha daandiirraa biyyoota garaagaraatti dorgomameen Atileetonni Ityoophiyaa milkaa’an

Finfinnee, Eebla 30 , 2015(FBC)- Dorgommii fiigicha daandiirraa biyyoota garaagaraatti gaggeeffameen Atileetonni Ityoophiyaa injifannoo gonfataniiru.

Dorgommii fiigicha maaraatoonii Piraag guyyaa kaleessaa Cheek Rippaabiliikitti gaggeeffameen dubartootaan Atileet Warqinash Iddeessaa yoo injifattu dhiiraan atileet Siisaay Lammaa 2ffaa bahuun xumureera.

Dorgommii fiigicha Walakkaa Maaraatoonii dubartootaa Piitisbar Ameerikaatti adeemsifameen atileet Bizuuyyee Dirribaa 1ffaa bahuun xumurteetti.

Dorgommii fiigicha maaraatoonii Chaayinaa Shaagoonitti gaggeeffameen dubartootaan atileet Almaaz Xilaahuunfi Itaafarraawu Dubbaalaan 1ffaafi 2ffaa yoo bahan dorgommii walakkaa maraatoonii dubartootaa magaalichatti gaggeeffameen atileet Eebbisee Ayyalaafi Hiruut Jambaruu 1ffaafi 2ffaa bahuun injifataniiru.

Dhiirotaan ammoo atileet Gammachuu Gisheefi Amaan Kaadiin 1ffaafi 2ffaa bahuun dorgommicha xumuraniiru.

Dorgommii fiigichaa kiiloomeetira 12 Ameerikaa magaalaa Ispookeenitti gaggeeffameen atileetonni Ityoophiyaa koorniyaa lamaaniinuu injifataniiru.

Dorgommichaan dhiirotaan atileet Jamaal Yimar 1ffaa, atileet Mogas Xi’uumaay ammoo 3ffaa bahuun yoo xumuran, dubartootaan atileet Yashii Kaalaayyuu 1ffaa bahuun injifatteetti.

#Oromiyaa #Ityoophiyaa

Odeeffannoowwan waqtaawaa dabalataan argachuuf;
Teelegiraama https://t.me/afanoromofana

Yuutiyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Tiwiitara https://twitter.com/fanatelevision nu duukaa bu’aa

Feesbuukii:https://www.facebook.com/afaanoromoofana/

Yeroo maraa nu waliin waan taataniif isin galateeffanna.