Miseensonni ajaja humna qilleensaa fi komandoon ergaa itti kenname amanamummaan raawwachuutu irraa eegama-F/M Birhaanuu Juulaa

Finfinnee, Fulbaana 19, 2016 (FBC)– Miseensonni ajajaa humna qilleensaa fi komaandoon damee bobba’anirratti ergama itti kenname qajeelummaa fi amanamummaan raawwachuun kan irraa eegamuu ta’uu Itaamaajoor Shuumiin Waliigalaa Raayyaa Ittisa Biyyaa Fiildi Maarshaal Birhaanuu Juulaan dubbatan.

Dandeettii Hoggansaa fi leenjistootaa Giddugaloota Leenjii Ajaja Komaandoo Fi Humna Qilleensaa guddisuuf leenjiin leenjistootaa gaggeeffamaa jiraachuu ragaan Raayyaa Ittisa Biyyaarraa argame ni mul’isa.

Fiildi Maarshaal Birhaanuu Juulaan waltajjii leenjichaarratti, Raayyaa Ittisaa ga’umsa ogummaa qabu fi cimaa ta’e ijaaruuf leenjistoonni loltummaa fakkeenya ta’uu qabu jedhaniiru.

Leenjichi, Ajaja Komandoo fi Humna Qilleensaa jalatti kan argaman dandeettii giddugaloota leenjii miseensota Komaandoo, Humna Qilleensaa fi Humna Addaa Farra Shororkeessummaa sadarkaa caalutti guddisuuf kan kaayyeffate ta’uun ibsameera.

Gama biraatiin Fiildi Maarshaal Birhaanuu Juulaan Magaalaa Finfinnee Kutaa Magaalaa Nifaas Silki Laaftootti manneen jireenyaa waliinii Raayyaa Ittisaa fi hojjettoota siviilif ijaaramuuf dhagaa bu’uuraa kaa’aniiru.

Manneen jireenyaa waliinii kunis lafa karee meetira kuma 26 fi 673 irratti kan ijaaramuu ta’uun eerameera.

Dabalataanis, qondaaltoonni Raayyaa Ittisaa Kutaa Magaalaa Qaallittiitti manneen jireenyaa saayitii 1 fi 2’tti ijaaraman daawwataniiru.

#Oromiyaa #Itiyoophiyaa

Odeeffannoowwan waqtaawaa dabalataa argachuuf;

Teelegiraama https://t.me/afanoromofana

Yuutiyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Tiwiitara https://twitter.com/fanatelevision nu duukaa bu’aa

Feesbuukii:https://www.facebook.com/afaanoromoofana/

Yeroo maraa nu waliin waan taataniif isin galateeffanna.