Saawuuz hampitan tapha xumuraa daraan qaalii ta’e injifachuun gara Piriimeer Liigitti deebi’e

Finfinnee, Caamsaa 18, 2016 (FBC) – Saawuuz hampitan tapha xumuraa sadarkaa addunyaatti daraan qaalii ta’e injifachuun gara Piriimeer Liigitti deebi’eera.

Tapha har’a kilaba 3ffaa gara Piriimeer Liigiitti deebi’e adda baasuuf Istaadiyeemii Waambileeyitti taphatameen Saawuuz Hamtan Liidis Yuunaayitiid galchii 1 fi 0n injifateera.

Kilabichi tapha sadarkaa addunyaatti daraan qaalii ta’e kana injifachuun waggaa tokko booda gara Piriimeer Liigiitti ol deebi’uu mirkaneeffateera.

Haaluma kanaan Leesister Siitii, Ipsiwiichii fi Saawuuz Hampitan hirmaannaa Piriimeer Liigii Ingilaandi bara 2024/25 argachuu mirkaneeffataniiru.

#Oromia #Ethiopia