Shaampiyoonaan Atleetiksii Guddattoota Ityoophiyaa guyyaa har’as itti fufee jira
Finfinnee, Muddee 23, 2012 (FBC) – Shaampiyoonaan Atleetiksii Guddattoota Ityoophiyaa Istaadiyeemii Magariisa Asallaatti gaggeeffamaa jiru guyyaa har’as itti fufee jira
Oolmaa guyyaa 4ffaa Shaampiyoonichaan gosti dorgommii 6 xumura kan argatan yoo ta’u, dorgommiin darbannaa Eeboo dhiirotaa fi darbannaan Aloolloo dubartootaa, akkasumas fiigichi meetira kuma 3 fi meetira dhibba 2 koorniyaa lamaaniinuu eegalameera.
Shaampiyoonnich guyyaa boruus kan itti fufu ta’uu ragaan Federeeshinii Atleetiksii Ityoophiyaa argame ni mul’isa.