ጉዳት የደረሰባቸዉ ከፍተኛ የትምህርት ተቋማት በሙሉ አቅም ወደ ሥራ እንዲገቡ እየተሠራ ነው- ትምህርት ሚኒስቴር

አዲስ አበባ፣ የካቲት 11፣ 2014 (ኤፍ ቢ ሲ) ጉዳት የደረሰባቸዉ ከፍተኛ የትምህርት ተቋማት በሙሉ አቅማቸዉ ወደ ሥራ እንዲገቡ በልዩ ትኩረት እየተሠራ መሆኑን ትምህርት ሚኒስቴር ገለጸ፡፡

የትምህርት ሚኒስቴር ዴኤታው ዶክተር ሳሙኤል ክፍሌ እንደገለጹት÷ ባለድርሻ አካላትን በማስተባበር ተቋማቱ ዝግጅት አድርገዉ እንዲሰሩ የተለየ ትኩረት ተሰጥቷል፡፡

የወሎ፣ ወልዲያ እና መቅደላ አምባ ዩኒቨርሲቲዎች በህወሓት የሽብር ቡድን በደረሰባቸዉ ከፍተኛ ጉዳት የትምህርት ሥራዉን ሙሉ በሙሉ አቋርጠዉ መቆየታቸዉን አስታውሰው÷ አሁን ላይ ተቋማቱ የጀመሩትን መማር ማስተማር ለመደገፍ ከባለድርሻ አካላት ጋር እየተሠራ መሆኑንም ነው ያብራሩት፡፡

ተቋማቱን መልሶ ከመገንባት ጎን ለጎን የስነ ልቦና ጥገና ሥራዎች ወሳኝ በመሆኑ÷የስነ ልቦና ባለሙያዎች፣ የሃይማኖት አባቶችና ሌሎችም ሊተባበሩ እንደሚገባም ጠይቀዋል፡፡

አስተያየታቸውን ለፋና ብሮድካስቲንግ ኮርፖሬት የሰጡ የመቅደላ አምባ ዩኒቨርሲቲ መምህራን እና ተማሪዎች በበኩላቸው÷ መምህራን እና ሌሎች የአስተዳደር ሠራተኞች ተማሪዎችን በመደገፍ እያከናወኑት ያለዉ ሥራ የሚበረታታ መሆኑን ጠቁመው÷የተደረጉ የስነ ልቦና ድጋፎች አወንታዊ ሚና ተጫውተዋል ብለዋ፡፡

በአወል አበራ

ኢትዮጵያን፦ እናልማ፣ እንገንባ፣ እንዘጋጅ

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!