የበልግ አብቃይ አካባቢዎች በሚቀጥሉት 10 ቀናት ዝናብ ያገኛሉ

ከዝናብ ሥርጭቱ በአገሪቷ የበልግ አብቃይ አካባቢዎች በተለይ የሰሜን ምሥራቅ፣ የምሥራቅ፣ ደቡብና የደቡብ ምሥራቅ የአገሪቱ ክፍሎች በመጠንም ይሁን በሥርጭት የተጠናከረ እርጥበት ማግኘት የሚጀምሩበት መሆኑ ተጠቅሷል፡፡

በተመሳሳይ በመጋቢት ወር በርካታ የአገሪቷ አካባቢዎች ዝናብ እንደሚያገኙም ኢኒስቲቲዩቱ ጠቅሷል፡፡

በዚሁም ከኦሮሚያ ክልል ጅማ፣ ኢሊአባቦር፣ ምዕራብና ምሥራቅ ወለጋ፣ ሰሜን ሸዋ፣ የአርሲና የባሌ፣ የቦረናና የጉጂ ዞኖች፣ ከአፋር ዞን 3 እና 5፣ ከአማራ ክልል ሰሜንና ደቡብ ወሎ፣ ሰሜን ሸዋ፣ ምዕራብና ምሥራቅ ጎጃም፣ ደቡብ ጎንደር እንዲሁም የባህርዳር ዙሪያ ከመደበኛ ጋር የተቀራረበና በጥቂት ሥፍራዎች ደግሞ ከመደበኛው በታች ዝናብ የሚያገኙ መሆኑንም ኢኒስቲቲዩቱ ጨምሮ አስታውቋል፡፡

በተጨማሪም በአዲስ አበባ፣ ደቡብ ብሔር ብሔረሰቦችና ህዝቦች ክልል ሁሉም ዞኖችና የጋምቤላ ክልል በአብዛኛው አካባቢዎች ከመደበኛ ጋር የተቀራረበና በጥቂት ሥፍራዎች ደግሞ ከመደበኛው በታች ዝናብ እንደሚያገኙም ነው ያስታወቀው፡፡

ቀሪዎቹ የአገሪቷ አካባቢዎች በአመዛኙ ደረቅ ሆነው እንደሚሰነብቱ ትንበያው ያሳየ ሲሆን÷ከዝናብ ሥርጭቱ የሚገኘውን ውሃ በአግባቡ በመያዝ ጥቅም ላይ እንዲውል ከወዲሁ ዝግጅት ማድረግ እንደሚገባ መገለፁን ኢዜአ ዘግቧል፡፡

ኢትዮጵያን፦ እናልማ፣ እንገንባ፣ እንዘጋጅ
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!