በመዲናዋ ሰባተኛ የምገባ ማዕከል ለማቋቋም ስምምነት ተፈረመ

ሃላፊዋ የምገባ ማዕከሉን ለማቋቋም የሚውል የ40 ሚሊየን ብር የስምምነት ሰነድ ከተቋማቱ ጋር መፈረሙን አንስተዋል፡፡

በሚድሮክ ኢቨስትመንት ግሩፕ የኮርፖሬት ማህበራዊ ኃላፊነትና ኮሙኒኬሽን ዳይሬክተር አምባሳደር አሊ ሱሌማን በበኩላቸው÷ ኢትዮጵያ እያስተናገደች ያለው የተለያዩ ማህበራዊ ችግሮች በተለይም በመዲናዋ የድጋፍ ፈላጊውን ቁጥሩ እንዲጨምር እንዳደረገው ተናግረዋል፡፡

ለዚህም ሚድሮክ ኢንቨስትመንት ግሩፕ ከዚህ በፊት ተስፋ ብርሃን አሞዲ የተሰኘ የምገባ ማዕከል በአዲስ ከተማ ክፍለ ከተማ ከከተማ አስተዳደሩ ጋር በመተባበር አቋቁሞ እየሰራ መሆኑን አስታውሰዋል፡፡

አሁን ላይም ቁጥር ሁለት ተስፋ ብርሃን አሞዲ የምገባ ማእከል በልደታ ክፍለ ከተማ በማቋቋም የምገባ ስራው በማስፋት ማህበራዊ ኃላፊነቱን ለመወጣት እንደወሰነ መግለጻቸውንም ከቢሮው ያገኘነው መረጃ ያመላክታል፡፡

ተቋሙ ማዕከሉ በሚገነባበት የሚገኙ በዝቅተኛ ኑሮ ለሚኖሩ ስምንት አባወራዎች 8 የመኖሪያ ቤቶች ለመገንባት እንዲሁም ባሉበት የልማት ተጠቃሚ እንዲሆኑ 16 የሱቅ ቤቶች በመገንባት ለማስረከብ እና በተረከበው የምገባ ማዕከል የሚገኘውን ቦታ በከተማ ግብርና ለማልማትና የልማቱ ውጤቱንም ለተመጋቢዎች እንዲያውል ኃላፊነት ወስዶ መፈራረሙን አንስተዋል፡፡

ወቅታዊ፣ ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision
ዘወትር ከእኛ ጋር ስላሉ እናመሰግናለን!