በአማራና አፋር ክልሎች አጎራባች አካባቢዎች የሚስተዋሉ አለመግባባቶችን መፍታት የሚያስችል የሰላም ፎረም ተመሠረተ

በምስረታው ላይ የአፋር ክልል ዞን 5 ፣ የደቡብ ወሎ ዞንና የኦሮሞ ብሄረሰብ ዞኖች አመራሮች፣ የሃይማኖት አባቶች፣ የሀገር ሽማግሌዎችና ሌሎች ባለድርሻ አካላት ተገኝተዋል።

የወሎ ዩኒቨርሲቲ ምርምርና ማህበረሰብ አገልግሎት ምክትል ፕሬዚዳንት ዶክተር ፋሪስ ኃይሉ ÷ የአማራና የአፋር ህዝብ የተዋለደ፣ የተዋደደና በባህልና እሴት የተሳሰረ መሆኑን አንስተው አልፎ አልፎ የሚስተዋሉ አለመግባባቶችን በሽምግልና ለመፍታት ዩኒቨርሲቲው የድርሻውን ይወጣል ብለዋል።

የወሎ ዩኒቨርሲቲ የአካዳሚክ ጉዳዮች ምክትል ፕሬዚዳንት ዶክተር አወል ሰይድ በበኩላቸው÷ ሀገር በቀል የግጭት መፍቻ ተቋማት ያላቸው ሚና ከፍተኛ በመሆኑ ለአካባቢው ሰላም ዋነኛ መፍትሄ መሆናቸውን አስረድተዋል።

የኢ ኤል አይ ዲ ኤ ዋና ዳይሬክተር ወይዘሮ ዚነት ይመር በበኩላቸው÷ የአማራና የአፋርን የህዝብ ለህዝብ ግንኙነት በማጠናከር አለመግባባቶች በውይይት እንዲፈቱ በቅንጅት እንሰራለን ማለታቸውን ከወሎ ዩኒቨርሲቲ ያገኘነው መረጃ ያመላክታል፡፡

ወቅታዊ፣ ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision

ዘወትር ከእኛ ጋር ስላሉ እናመሰግናለን!