ከመስከረም የመጀመሪያው አሥር ቀናት ጀምሮ የወቅቱ ዝናብ እየቀነሰ ይሄዳል – ኢኒስቲትዩቱ

በወሩ መጨረሻ ሳምንት ደግሞ የሰሜን ምሥራቅ፣ የምሥራቅና የመካከለኛው የሀገሪቱ አካባቢዎች በበጋው ደረቅ የአየር ጠባይ ተጽዕኖ ሥር መሆን ይጀምራሉ ብሏል፡፡

በመጪው መስከረም ወር በፀሐይ ኃይል ታግዘው ከሚፈጠሩ የደመና ክምችቶች በአንዳንድ የሰሜን ምዕራብ፣ የምዕራብና የመካከለኛው የሀገሪቱ ክፍሎች ላይ ነጎድጓዳማ የአየር ሁኔታን በማስከተል ከባድ ዝናብና ቅጽበታዊ ጎርፍ ሊያስከትል እንደሚችልም የትንበያ መረጃዎች ይጠቁማሉ ነው ያለው፡፡

በተለይም ከወሩ አጋማሽ በኋላ አልፎ አልፎ ከሚጠናከሩት ዝናብ ሰጭ የሚቲዮሮሎጂ ገጽታዎች ለረጅም ጊዜ ደረቅ ሆነው በሰነበቱት የደቡብ ኦሮሚያና የደቡብ ምሥራቅ ኢትዮጵያ ቦታዎች ዝናብ ሊያገኙ እንደሚችሉ ተገልጿል፡፡

በአጠቃላይ ሁሉም የትግራይ ዞኖች፣ የቤኒሻንጉል ጉሙዝ፣ የጋምቤላ፣ የአማራ ክልል፣ ከአፋር ክልል ዞን 3 እና 5፣ ከኦሮሚያ ክልል ሁሉም የወለጋና የሸዋ ዞኖች፣ ጅማ፣ ኢሉአባቦራ፣ ቡኖ በደሌ በአብዛኛው መደበኛና ከመደበኛ ጋር የተቀራረበ ዝናብ እንደሚያገኙ ይጠበቃል፡፡

እንዲሁም የአርሲ ዞኖች፣ አዲስ አበባ፣ የደቡብ ምዕራብ ኢትዮጵያ፣ አብዛኛዉ የደቡብ ብሄር ብሄረሰቦችና ህዝቦች ክልል እና የሲዳማ ክልል ዞኖች በአብዛኛው መደበኛና ከመደበኛ ጋር የተቀራረበ ዝናብ እንደሚያገኙ ነው ከኢኒስቲትዩቱ ያገኘነው መረጃ የሚያመላክተው፡፡

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!