ብሔራዊ የድጋፍ አሰባሳቢ ኮሚቴ ከተዋቀረ በኋላ ባሉት 5 ቀናት ውስጥ ብቻ 150 ሚሊየን ብር ተገኝቷል- ጠ/ሚ ዐቢይ

እስከ አሁን ድረስ በዓይነት የተለገሱትን የሕክምና መገልገያ አቅርቦቶች ሳይጨምር፤ ከሀገር ውስጥ 150 ሚሊየን ብር ተዋጥቷልም ብመዋል ጠቅላይ ሚኒስትሩ።

ከ241 ሺህ የሚበልጡ ሰዎች ደግሞ ከሀገር ውስጥ በኢትዮቴሌኮም አማካኝነት 2.7 ሚሊዮን ብር ማዋጣታቸውንም አስታውቅዋል።

“በልዩ ልዩ ሁኔታ ውስጥ ያለን ኢትዮጵያውያን በመከራ ወቅት በአንድነት በመቆም እንደምናሸንፍ የገለጽንበት፣ መደመርን በግልጥ ያሳየንበት አጋጣሚ ነው” ብለዋል ዶክተር ዐቢይ በመልእክታቸው።

ሁሉም የቀረበለትን ጥሪ ተቀብሎ ምላሽ በመስጠቱ ምስጋና ያቀረቡ ሲሆን፥ “ይፋ በሆኑት የመንግሥት የድጋፍ ማሰባሰቢያ መንገዶች አማካኝነት ድጋፍ ማድረጋችሁን እንድትቀጥሉ በዚህ አጋጣሚ ጥሪ አቀርባለሁ” ብለዋል።