የብሪታኒያ ጠቅላይ ሚኒስትር ቦሪስ ጆንሰን ከኮሮናቫይረስ አገግመው ከሆስፒታል ወጡ

ጠቅላይ ሚኒስትሩ ከፍተኛ የሰውነት ሙቀትን ጨምሮ የቫይረሱን ምልክት ማሳየታቸውን ተከትሎ ለንደን በሚገኝ ሆስፒታል ከገቡ በኋላም በጽኑ ህሙማን መከታተያ ገብተውም የህክምና ክትትል ሲያደርጉ ቆይተዋል።

ጠቅላይ ሚኒስትር ቦሪስ ጆንሰን የጤና ሁኔታ ከጊዜ ወደ ጊዜ እየተሻሻለ መምጣቱን ተከትሎም በዛሬው እለት ከሆስፒታል እንዲወጡ መደረጉም ነው የተነገረው።

የጤና ባለሙያዎች ምክርን ተከትሎም ቦሪስ ጆንሰን በአፋጣኝ ወደ ስራቸው የማይመለሱ መሆኑን ቃል አቀባያቸው አስታውቀዋል።

በለንደን ቅዱስ ቶማስ ሆስፒታል በነበራቸው ቆይታ እንክብካቤ ላደረጉላቸው የክህምና ባለሙያዎች በሙሉ ምስጋና ማቅረባቸውንም ገልፀዋል።

ምንጭ፦ reuters.com