ጠ/ሚ ዐቢይ ከጦር አካል ጉዳተኞች ጋር የትንሳኤ በአልን አከበሩ

ጠቅላይ ሚኒስትሩ በእለቱ ባስተላለፉት መልእክት የትንሳኤ በዓልን ለሀገር ባለውለታ ከሆኑት የጦር ጉዳተኞች ጋር በማክበሬ ተደስቻለሁ ብለዋል፡፡

“ትንሳኤ ሌሎችን የምናነሳበትና የምናስታውስበት መሆኑን የምናረጋግጠው በጀግንነት ራሳቸውን ሰጥተው የሀገርን ህልውና ያስቀጠሉ ሰዎች ማስታወስ ስንችል ነው” ሲሉም ተናግረዋል፡፡

“እናንተም እኛን ከሸኛችሁ በኋላ ከናንተ በላይ በአቅም የደከሙ ሰዎችን በመጠየቅ በፍቅርና በአንድነት ልታከብሩ ይገባል” ነው ያሉት ፡፡

የካቢኔ አባላትም በአሉን በማስመልከት ለማእከሉ የጦር አካል ጉዳተኞች የበግ ስጦታ ማበርከታቸውን ኢዜአ ዘግቧል።

በማእከሉ የሚገኙ 140 የጦር ጉዳተኞች የጤና እና ሌሎች እንክብካቤዎችን እያገኙ መሆኑ ተጠቁሟል።