በኢትዮጵያ ተጨማሪ 3 ሰዎች የኮሮና ቫይረስ ተገኘባቸው

በዚህም መሰረት አንደኛው ኢትዮጵያዊ የ22 ዓመት ወጣት የአዲስ አበባ ከተማ ነዋሪ ሲሆን፥ ጉዞ ታሪክ የሌለውና የስራው ባህሪ ተጋላጭነት ያለው መሆኑ ተገልጿል።

ሁለተኛው ኢትዮጵያዊም የ22 ዓመት ወጣት ሲሆን፥ ከሳዑዲ አረቢያ የመጠና በለይቶ ማቆያ ውስጥ የሚገኝ መሆኑም ነው የተገለፀው።

በተጨማሪም ሶስተኛው ግለሰብ ቻይናዊ ሲሆን፥ በሰበታ ነዋሪ መሆኑ፣ የጉዞ ታሪክ እንደሌለው እና በበሽታው ከተያዘ ሰው ጋር ንክኪ እንዳለውና እንደሌለው በመጣራት ላይ መሆኑንም አስታውቅዋል።

ይህን ተከትሎም በኢትዮጵያ የኮሮና ቫይረስ የተገኘባቸው ሰዎች ቁጥር 114 ደርሷል።

ከእነዚህ ውስጥ የ3 ሰዎች ህይወት ሲያልፍ፤ 16 ሰዎች አገግመው፤ 93 ሰዎች ደግሞ በለይቶ ማቆያ ህክምና ላይ ይገኛሉ።