በፕሪሚየር ሊጉ ባህርዳር ከተማ ወልቂጤ ከተማን 2 ለ 1 አሸነፈ
አዲስ አበባ፣ ሚያዝያ 14፣ 2016 (ኤፍ ቢ ሲ) በኢትዮጵያ ፕሪሚየር ሊግ የ19ኛ ሳምንት ተስተካካይ ጨዋታ ባህርዳር ከተማ ወልቂጤ ከተማን 2 ለ 1 አሸንፏል፡፡
ምሽት 12 ሰዓት ላይ በተደረገው ጨዋታ ቸርነት ጉግሳ ሁለቱንም የባህርዳር ከተማ ግቦች በፍጹም ቅጣት ምት ሲያስቆጥር÷ የወልቂጤን ብቸኛ ግብ ደግሞ ፉዓድ አብደላ አስቆጥሯል፡፡
በውጤቱ መሰረትም የጣና ሞገዶቹ ነጥባቸውን 37 በማድረስ ወደ 4ኛ ደረጃ ከፍ ያሉ ሲሆን ÷ወልቂጤ ከተማ በ16 ነጥቦች ወራጅ ቀጠና ላይ ይገኛል፡፡
የክለቦቹ 19ኛ ሳምንት ተስተካካይ ጨዋታ የባህርዳር ከተማው የመሃል ክፍል ተጫዋች አለልኝ አዘነን ድንገተኛ ሕልፈት ተከትሎ መራዘሙ የሚታወስ ነው፡፡