የሚዲያና ኪነጥበብ ባለሙያዎች የኮሮናቫይረስ ወረርሽኝን በመከላከሉ ሥራ ከፍተኛ ሚና እየተጫወቱ መሆኑን አቶ ንጉሱ ጥላሁን ገለፁ

በችግኝ ተከላው ላይ የተገኙት አቶ ንጉሱ ጥላሁን የሚዲያ የኪነጥበብ ባለሙያዎች ያለምንም ክፍያ የኮቪድ-19 ወረርሽን ለመግታት ጥሩ ስራ እያከናወኑ መሆናቸውን አንስተዋል።

ይህ ወረርሽኝ በአሁኑ ወቅት እየከፋ መምጣቱን በመጠቆም ከቀደመው በበለጠ እነዚህ ባለሙያዎች ርብርብ እንዲያደርጉ አሳስበዋል።

ለዚህ ቫይረስ ወረርሽኝ በምንም መልኩ እጅ መስጠት እንደማይግባም ነው የጠቆሙት።

ሰሞኑን የፋና ብሮድካስቲንግ ኮርፖሬት የዋና መስሪያ ቤት እና የክልል ኤፍ ኤም ጣቢያዎች የስራ ሀላፊዎች እና ጋዜጠኞችን ጨምሮ የተለያዩ መገናኛ ብዙሃን ባለሙያዎች በሚገኙባቸው ከተሞች በመዘዋወር ህብረተሰቡ ከቫይረሱ ለመጠበቅ የሚያደርገውን ጥንቃቄ እንዲያሳድግ የቅስቀሳ ስራ ሲያከነውኑ መቆየታቸው ይታወቃል።