አይ ኤም ኤፍ ለኢትዮጵያ ያፀደቀው የገንዘብ ድጋፍ የማክሮ ኢኮኖሚ ሚዛኑን ለማስተካከል ይረዳል- ጠ/ሚ ዶ/ር ዐቢይ

ጠቅላይ ሚኒስትሩ በመልእክታቸው “የአይ ኤም ኤፍ ቦርድ የኢትዮጵያን ሀገር በቀል የኢኮኖሚ ማሻሻያ ለመደገፍ የሦስት ዓመት የፋይናንስ ድጋፍ ማሕቀፍን በማጽደቁ በጣም ለማመስገን እወዳለሁ” ብለዋል።

ይህ የገንዘብ ማዕቀፍ ከኢትዮጵያ ኮታ 700 በመቶ የሚበልጥ መሆኑንም ገልፀዋል።
የገንዘብ ድጋፉ የማክሮ ኢኮኖሚ ሚዛኑን (የውጭ ምንዛሬ እጥረት፣ የዋጋ ግሽበት እና የብድር ጫናን) ለማስተካከል የሚረዳ መሆኑንም አስረድተዋል።

ይህ የገንዘብ ድጋፍ ባለ ሀብቶችን እና የሥራ ፈጠራን በማበረታታት የኢትዮጵያን ኢኮኖሚ በብልጽግና መንገድ ለማስኬድ የሚረዳ እንደሚሆንም ገልፀዋል።