አርቲፊሻል ኢንተለጀንስ ማዕከል እና የኢትዮጵያ ዜና አገልግሎት ድርጅት በጋራ ለመስራት የሚያስችላቸውን የመግባቢያ ሰነድ ተፈራረሙ

ስምምነቱን የአርቲፊሻል ኢንተለጀንስ ማዕከል ዋና ዳይሬክተር ኢንጂነር
ወርቁ ጋችና እና የኢዜአ ዋና ስራ አስፈጻሚ አቶ ሰይፈ ደርቤ ተፈራርመዋል፡፡

በፊርማ ስነ-ስርዓቱ ላይ የማዕከሉ ዳይሬክተር ኢንጂነር ወርቁ ጋችና የሰው ሰራሽ አስተውሎት ለሚዲያው ዘርፍ ትልቅ የቴክኖሎጂ መፍትሔን ይዞ የመጣ መሆኑን አመላክተዋል፡፡

ኢዜአ የዚህ ቴክኖሎጂ ተጠቃሚ እንዲሆን የአቅም ግምባታ ስራ እንደሚሰራ መጠቆማቸውን ከማዕከሉ ያገኘነው መረጃ ያመላክታል፡፡

የኢዜአ ዋና ስራ አስፈጻሚ አቶ ሰይፈ ደርቤ በበኩላቸው ከማዕከሉ ጋር አብሮ መስራት ትልቅ እድል መሆኑን ገልፀው ድርጅቱ በኢትዮጵያ የሚዲያ አገልግሎት ዘርፍ ምሳሌ የመሆን ዓላማን ይዞ ከመነሳቱ አንጻር ግቡን ለማሳካት የአርቲፊሻል ኢንተለጀንስ ቴክኖሎጂ ትልቅ እገዛ እንደሚኖረው ተናግረዋል፡፡

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን