የአፍሪካ ሕብረት ኮሚሽን ምክትል ሊቀ-መንበር ለአፍሪካ ችግሮች አፍሪካዊ መፍትሔ መርህ በሕብረቱ በኩል በጽኑ የሚታመን መርህ መሆኑን ገለፁ

በውይይቱ አቶ ደመቀ በቅርቡ በኪንሻሳ የተካሄደው የታላቁ የኢትዮጵያ የህዳሴ ግድብ ድርድርን በተመለከተ ማብራሪያ ሰጥተዋል፡፡

አፍሪካ ችግሮች አፍሪካዊ መፍትሔ ማገኘት እንዳለባቸው በማመንም በአፍሪካ ሕብረት አስተባበሪነት የሚካሄደው የሶስትዮሽ ድርድር እንዲቀጥል በኢትዮጵያ በኩል ጽኑ እምነት ያለ መሆኑን ገልጸዋል።

በሌላ በኩልም በትግራይ ክልል ያለው የሰብዓዊ እርዳታ አቅርቦት በመሻሻል ላይ መሆኑን ለምክትል ሊቀመንበሯ አብራርተዋል።

ዶክተር ሞኒክ ንሳንዛባጋንዋን በበኩላቸው ለአፍሪካ ችግሮች አፍሪካዊ መፍትሔ መርህ በአፍሪካ ሕብረቱ በኩል በጽኑ የሚታመን መርህ መሆኑን ገልጸው ኢትዮጵያ በዚህ አንጻር ለያዘችው አቋም ያላቸውን አድናቆት ገልጸዋል።

በሌላ በኩል በአሁኑ ወቅት ያጋጠመውን የኮቪድ-19 ወረርሽኝ ለመከላከል በሚደረገው ጥረት የሕብረቱ ሰራተኞች ክትባት አንዲደርሳቸው በኢትዮጵያ መንግስት በኩል ድጋፍ አንዲደረግ ጥያቄ አቅርበዋል።

አቶ ደመቀ ለአፍሪካ ሕብረት ሰራተኞች ተገቢው የክትባት አገልግሎት እንዲደርሳቸው ማደረጉ ተገቢ መሆኑ ገልጸው፣ ለተፈጻሚነቱም ከሚመለከታቸው ተቋማት ጋር በትብብር እንደሚሰራ መናገራቸውታውቋል፡፡

በመጨረሻም አቶ ደመቀ መኮንን ዶክተር ሞኒክ የአፍሪካ ሕብረት ኮሚሽኑ ምክትል ሊቀመንበር ሆነው በመመረጣቸው የተሰማቸውን ደስታ ገልጸው በቀጣይ በሚኖራቸው የስራ እንቅስቃሴ አስፈላጊው ድጋፍ እንደሚደረግላቸው ማረጋገጣቸውን ከውጭ ጉዳይ ሚኒስቴር ቃል አቀባይ ፅህፈት ቤት ያገኘነው መረጃ ያመላክታል፡፡

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡-https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለ