ተሻሽሎ የቀረበዉ የሀገር አቀፍ የስፖርት ማህበራትን ለማቋቋም የተዘጋጀዉ መመሪያ ፀደቀ

በስብሰባው የብሔራዊ ስፖርት ምክር ቤት የስፖርት ማህበራት ስለሚቋቋሙበት ረቂቅ መመሪያ ላይ ሰፊ ዉይይት በማካሄድ በሙሉ ድምፅ አፅድቋል ።

በዚህም መሠረት በተለይ የክልል ስፖርት ኮሚሽነሮች በድምፅ ከሚሳተፋ ገለልተኛ ሆነው ስፖርቱን ቢደግፋ የተሻለ ነው የሚለው ሀሳብ ሚዛን በመድፋቱ ያለድምፅ እንዲሳተፋ መግባባት ላይ ተደርሷል ።

የስፖርት ማህበራት የስራ አስፈፃሚዎች የቆይታ ዘመን በተመለከተ አንድ የስራ አስፈፃሚ አባል ለአራት አመት ከአገለገለ በኃላ በድጋሚ ለቀጣይ አራት አመት ብቻ ሊመረጡ እንደሚችሉ በመመሪያው ፀድቋል ።

ከዚህ በተጨማሪ ምክር ቤቱ በሌሎች የመመሪያው አንቀፆች ላይ ተወያይቶ መመሪያውን አፅድቋል ።

በውይይይቱ የባህልና ቱሪዝም ሚኒስትር እና የምክር ቤቱ ምክትል ሰብሳቢ ዶክተር ሂሩት ካሳው፣ የስፖርት ኮሚሽን ኮሚሽነር አቶ ኤሊያስ ሽኩር ፣ ምክትል ኮሚሽነር አቶ ዱቤ ጅሎን ጨምሮ ሚኒስትሮች፣ የክልል ስፖርት ኮሚሽን ኮሚሽነሮች እና ሌሎች የምክር ቤቱ አባላት መገኘታቸውን ከኢትዮጵያ ስፖርት ኮሚሽን ያገኘነው መረጃ ያመላክታል፡፡

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡-https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!