13ኛው የፖሊስ ኮሚሽነሮች ጉባኤ ተጠናቀቀ

ጉባዔው ባለ ስድስት ነጥብ የአቋም መግለጫ በማውጣት ነው የተጠናቀቀው።

በአቋም መግለጫው ከተቀመጡት ነጥቦች መካከል በሀገራዊ የፖሊስ ተቋማት ሪፎርም የተጀመሩ ለውጦችን አጠናክሮ ማስቀጠል፣ ከሌሎች የጸጥታ አካላት ጋር ጠንካራ ግንኙነት ማጠናከር፣ ሀገራዊ ምርጫ ሰላማዊ ሆኖ እንዲጠናቀቅ ፖሊስ ገለልተኛ ሆኖ መስራት ፣ህዝብና መንግስት ከድህነት ለመውጣት የጀመሩትን የታላቁን ህዳሴ ግድብ ግንባታ ከግብ እንዲደርስ የትኛውንም መስዋዕትነት መክፈል የሚሉ ይገኙበታል።

በተጨማሪም የፌደራል፤ የክልልና የከተማ አስተዳደር ፖሊሶች ውስጣዊ አንድነታንን በማጠናከር በጋራ በኢትዮጵያ ላይ የሚቃጣውን የትኛውንም አይነት የወንጀል ተግባር መከላከል፣በምርጫው ወቅትና ከምርጫው በኋላ ምንም ዓይነት ህግወጥ እንቅስቃሴ በየትኛው አካባቢ እንዳይኖር ጠንካራ ፖሊሳዊ መረጃ ልውውጥ ስርዓት በመዘርጋት የሚለው በአቋም መግለጫው ከተካተቱት ነጥቦች መሃል መሆኑን ከኢትዮጵያ ፖሊስ ኮሚሽን ያገኘነው መረጃ ያመላክታል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!