በሶማሌ ክልል ያለው ሰላም ክልሉ ለኢንቨስትመንት ተመራጭ መሆኑን እንደሚያሳይ ተገለፀ

አባላቱ በክልሉ የተለያዩ ከተሞችን በመጎብኘት ቆይታቸውን አጠናቀዋል።

ልዑካኑ ከጎበኟቸው አካባቢዎች መካከል የጅግጅጋ ከተማ እና የጎዴ ከተማ የሚገኙበት ሲሆን ባለፉት ሶስት አመታት በከተሞቹ የተከወኑ የልማት ሥራዎችን ተመልክተዋል።

በጎዴ ከተማ በነበራቸው ቆይታ በሸበሌ ወንዝ አማካኝነት የሚለማው የስንዴ ማሳ፣ የምዕራብ ጎዴ የመስኖ ልማት ፕሮጀክት፣ በሸበሌ ወንዝ ላይ የተሰሩ ግድቦች፣ በጎዴ ከተማ ላለፉት ሶስት አመታት የተከናወኑ የመሠረተ ልማት ስራዎችን የጎበኙ ሲሆን፣ ከሸበሌ ዞን የሀገር ሽማግሌዎች ጋርም ተገናኝተው ተወያይተዋል።

የፓርላማ አባላቱ ከጉብኝታቸው በኋላ ዛሬ ከክልሉ ምክትል ርዕሰ መስተዳድር አቶ ሙስጠፌ መሃመድና ከአቶ ኢብራሂም ዑስማን እና ከክልሉ ከፍተኛ ከፍተኛ የስራ ሀላፊዎች ጋር ምክክር አድርገዋል።

በውይይታቸው ልዑኩ በአጠቃላይ በሶማሌ ክልል ያዩት ነገር ሁሉ እንዳስደስታቸው ገልፀው ከዚህ በፊት ስለ ሶማሌ ክልል የነበራቸው የተዛባ አስተሳሰብ መቀየሩን መናገራቸውን ከሶማሌ ክልል ብዙሃን መገናኛ ኤጀንሲ ያገኘነው መረጃ ያመላክታል፡፡

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን