የፌዴራልና የክልል ማረሚያ ቤት ኮሚሽን ኮሚሽነሮች የጋራ ጉባዔ እየተካሄደ ነው

“ማረሚያ ቤቶች የትምህርትና የሥልጠና ቦታ መሆናቸውን በዝዋይ ማረሚያ ቤት በተካሄደው ጉብኝት አረጋግጠናል” ያሉት ጠቅላይ ዐቃቤ ህጉ፥ እንደዚህ አይነት ተግባራትን አጠናክሮ በመቀጠል የትምህርትና የምርት ማዕከላት እንዲሆኑ መስራት እንደሚገባ አንስተዋል።

ጉባዔውን በመጠቀምም የአፈፃፀም መሻሻሎችን የጋራ ማድረግና ተቋሙን ከቴክሎጅ ጋር በማዋሃድ የማረሚያ ቤቶችን ትስስር ማጠናከር እንደሚስፈልግም ጠቅላይ ዐቃቤ ህጉ ተናግረዋል፡፡

የፌዴራል ማረሚያ ቤት ኮሚሽን ኮሚሽነር ጀነራል ዳመነ ዳሮታ በበኩላቸው ÷ማረሚያ ቤቶች ቀደም ሲል እንደነበረው ዜጎች የሚታፈኑበት፣ ግፍና ሰቆቃ የሚደርስባቸው ቦታዎች ሳይሆኑ ህገ-መንግስታዊ ስርዓታችን ባስቀመጠው መሠረት ታርመውና ታንፀው፣ አምራችና ህግ አክባሪ ሆነው ወደ ሠላማዊ ህይወት የሚመለሱባቸው ተቋማት መሆናቸውን ጠቁመዋል።

በጉባኤው ላይ መንግስታዊና መንግስታዊ ያልሆኑ ድርጅቶችን ጨምሮ ሌሎች የሚመለከታቸው አካላት እየተሳተፉ ሲሆን ጉባኤው ለሁለት ተከታታይ ቀናት እንደሚቆይ ከፌደራል ማረሚያ ፖሊስ ያገኘነው መረጃ ያመላክታል፡፡

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን